གཡུར་དུ་ཟ་བའི་ལོ་ལེགས་སྨིན་པ།
ནས་སླར་ཡང་སྨིན་སོང་། ཉིན་འགའ་འགོར་རྗེས་ནས་བསྡུ་དགོས་ཞེས་གཟི་རྩ་སྡེ་དགུ་རྫོང་སྟག་ལོ་ཡུལ་ཚོ་ལྡོང་དཔལ་གྲོང་སྡེའི་ཀྲི་པུའུ་ཧྲུའུ་ཅི་ལིའུ་ཧྥང་རྨིན་གྱིས་མདུན་ཕྱོགས་ཀྱི་གསེར་མདོག་གི་ནས་ཞིང་བསྟན་ནས་དགའ་སྤྲོའི་ངང་བཤད་བྱུང་། ཉིན་དེ་ནི་ཟླ8པའི་ཚེས4ཉིན་ཡིན།
ན་ནིང་། 8.8ཀྱི་གཟི་རྩ་སྡེ་དགུའི་ས་འགུལ་སྐབས་སུ་སྟག་ལོ་ཡུལ་ཚོ་ལྡོང་དཔལ་གྲོང་སྡེའི་ཡ་ལུའུ་ཀྲའེ་སྡེ་བའི་ཡི་ཁྱིམ་ཚང་21གི་མི125ལྷག་གི་རྒྱུ་ནོར་ལ་གནོད་སྐྱོན་ཚབས་ཆེན་ཐེབས། ཁང་བའི་རྩིག་རྨང་ཞིག་ནས་ཤུལ་དུ་ཀ་གདུང་ལས་ལྷག་མེད་ཅིང་། ཚེས་12ཉིན་ལྡོང་དཔལ་སྡེ་བ་ ཕ་ཡུལ་བསྐྱར་སྐྲུན་གྱི་ལས་ཀར་ཞུགས།
ལིའུ་ཧྥང་རྨིན་གྱིས་གསར་འགོད་པར་བཤད་རྒྱུར། སྔོན་ཆད་ས་འདིའི་ཁང་བ་ནི་ས་རྡོ་རྐྱང་བས་གྲུབ་པ་ཡིན་པས། ས་འགུལ་ཁྲོད་གནོད་འཚེ་ཚབས་ཆེན་ཐེབས་པས།ད་ཐེངས་ང་ཚོས་གྱོ་མོ་དང་ཨར་འདམ་སོགས་གཅིག་གྱུར་དུ་ཉོས་ནས་དུས་ཐུང་ཟླ་གཅིག་གི་རིང་ལ་མང་ཚོགས་ཀྱི་ཁང་བ་བསྐྱར་སྐྲུན་ལེགས་པར་འགྲུབ་ཡོད།ཁང་བ་འཛུགས་སྐྲུན་བྱེད་པའི་གོ་རིམ་ཁྲོད་ས་འགུལ་སྔོན་འགོག་གི་རེ་འདུན་ལྟར་སྡོད་ཁང་གསར་སྐྲུན་བྱས་ལ། སྡོད་ཁང་གསར་བ་སྐྲུན་ཚར་རྗེས་སུ་སྲིད་གཞུང་གིས་ཁྱིམ་ཚང་རེ་ལ་སྒོར་8000རེའི་གསབ་དངུལ་སྟེར་བ་རེད།
ལེ་ལོ་སྒྱིད་ལུག་དང་བྲལ་ནས་འབད་པ་ལྷུར་ལེན་ནི་ཡ་ལུའུ་ཀྲའེ་སྡེ་བའི་གནོད་རྗེས་བསྐྱར་སྐྲུན་གྱི་འབུར་དུ་ཐོན་པའི་ཁྱད་ཆོས་ཤིག་ཡིན་ལ།ཁོ་ཚོས་བློ་རྩེ་གཅིག་སྒྲིམ་གྱིས་ཐོན་སྐྱེད་འཚོ་བ་དང་ལས་ཞུགས་ཡོང་འཕར་སོགས་ལ་བརྩོན་བཞིན་གདའ།
ད་ལྟའི་ཡ་ལུའུ་ཀྲའེ་སྡེ་བའི་སྡོད་ཁང་གི་ཚུགས་ཀ་ཡང་དེ་སྔའི་རྣམ་པ་ལྟར་བསྐྱར་དུ་བསྐྲུན་ཡོད་ཅིང་།རི་ཆུའི་ཀློང་ན་བཟོ་དབྱིབས་མཛེས་ལ་གྲལ་འགྲིག་པོར་ཆགས་ཡོད།གནོད་རྗེས་ཀྱི་ལོ་དང་པོར་ཞིང་ནང་གི་ལོ་ཏོག་ལ་འབྲས་བུ་སྨིན་པས།མང་ཚོགས་ཀྱི་གདོང་ལ་འབྲས་བཟང་ལོ་ལེགས་སྨིན་པའི་སྤྲོ་དགའ་ཡིས་ཁེངས་ཡོད།