ལི་ཁེ་ཆང་རྒྱལ་སྲིད་སྤྱི་ཁྱབ་ཁང་གི་ཙུང་ལི་རུ་བསྐོ་བཞག་གནང་བ།
ཡོང་ཁུངས། ངེད་དྲ་བ།
སྤེལ་དུས།: ༢༠༡༨ ལོའི་ཟླ་ ༣ ཚེས་ ༡༩
འདེམས་ཤོག་འཕངས་ནས་ཐག་བཅད་པ་བརྒྱུད། ལི་ཁེ་ཆང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་གི་ཙུང་ལིར་བསྐོ་བཞག་གནང་བ་དང་། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཀྲུའུ་ཞིའི་བཀའ་རྒྱར་མིང་རྟགས་བཀོད་དེ་བསྐོ་བཞག་བྱ་རྒྱུར་ཆོག་མཆན་གནང་།
འདེམས་ཤོག་འཕངས་ནས་ཐག་བཅད་པ་བརྒྱུད། ཞུས་ཆི་ལིའང་དང་ཀྲང་ཡིའུ་ཞ་ཀྲུང་དབྱང་དམག་ཨུའི་ཀྲུའུ་ཞི་གཞོན་པར་བསྐོས།
འདེམས་ཤོག་འཕངས་ནས་ཐག་བཅད་པ་བརྒྱུད། ཝེ་ཧྥེང་ཧོ་དང་ལི་ཙུའོ་ཁྲེན། ལིའུ་ཧྭ། ཀྲང་ཧྲེང་རྨིན་བཅས་ཀྲུང་དབྱང་དམག་ཨུའི་ཨུ་ཡོན་དུ་བསྐོས།
དབྱང་ཞའོ་ཏུའུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ལྟ་ཞིབ་ཨུ་ཡོན་ལྷན་ཁང་གི་ཨུ་ཡོན་ཀྲུའུ་རེན་དུ་བསྐོས།
ཀྲོའུ་ཆང་ཆེས་མཐོའི་མི་དམངས་ཁྲིམས་ཁང་གི་འགོ་འཛིན་དུ་བསྐོས།
ཀྲང་ཅུན་ཆེས་མཐོའི་མི་དམངས་ཞིབ་དཔྱོད་ཁང་གི་འགོ་འཛིན་དུ་བསྐོས།