ལི་ཁེ་ཆང་གིས་སྔར་ལས་ལྷག་པར་ཡུན་ནན་གྱི་འགུལ་འགོག་གནོད་སེལ་གྱི་ལས་ཀ་ཡག་པོ་སྤེལ་བར་བཀོད་སྒྲིག་གནང་།

   ཟླ་བ8པའི་ཚེས4ཉིན།  ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ།  རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་ཡུན་ནན་ཞིང་ཆེན་ལུའུ་ཏེན་རྫོང་དུ་ས་འགུལ་བྱུང་ནས་འགུལ་སྐྱོན་ཚབས་ཆེན་ཐེབས་པའི་ལུའུ་ཐའོ་ཧྲན་གྲོང་རྡལ་དུ་ཕེབས་ཏེ་འགུལ་སྐྱོན་ཐེབས་ཚུལ་ལ་གཟིགས་ཞིབ་གནང་།  གྲོང་རྡལ་སློབ་འབྲིང་གི་ལུས་རྩལ་ཐང་ཆེན་ཐོག་ཕུབ་པའི་གུར་ནང་ལས་ཡུལ་དངོས་ཀྱི་གྲོས་ཚོགས་འཚོགས་ཏེ་འགུལ་འགོག་གནོད་སེལ་བྱེད་པར་འཕྲད་པའི་གནད་དོན་མཐུན་སྦྱོར་དང་ཐག་གཅོད་གནང་ཡོད།     
   ཚེས་4ཉིན་གྱི་ཕྱི་དྲོར་ཁོང་ལུའུ་ཏེན་རྫོང་དམངས་སྲིད་ཅུས་སུ་ཕེབས་ཏེ་མཛོད་ཁང་ནང་གི་གནོད་སྐྱོབ་དངོས་རྫས་གསོག་འཇོག་དང་བགོ་སྤྲོད་བྱེད་ཚུལ་སོགས་ལ་གཟིགས་ཞིབ་གནང་བ་རེད།     
   ཚེས་5ཉིན་གྱི་ཞོགས་པར་སྔ་མོར་ལི་ཁེ་ཆང་ཡུན་ནན་ཞིང་ཆེན་ལུའུ་ཏེན་རྫོང་མི་དམངས་སྨན་ཁང་དུ་ཕེབས་ཏེ་དེར་སྨན་བཅོས་བྱེད་བཞིན་པའི་རྨས་མ་དང་སྨན་བཅོས་བྱེད་མཁན་མི་སྣར་འཚམས་འདྲི་གནང་བ་དང་།  ས་འགུལ་ནང་རྨས་སྐྱོན་ཐེབས་པའི་རྨས་མ་རྣམས་ཀྱི་སྨན་ཡོན་ཚང་མ་ནི་སྲིད་གཞུང་གིས་སྤྲོད་རོགས་བྱས་ཏེ་རྨས་མ་ཚང་མར་སྨན་བཅོས་ཡག་པོ་ཐོབ་འཇུག་རྒྱུ་ཡིན་པ་ཞེས་གསུངས།