ཨ་མེ་རི་ཁའི་རྒྱལ་སྲིད་བློན་ཆེན་ཁི་ལེ་ཡིས་ཚེས་20ཉིན་མ་ལེ་ཞི་ཡའི་འགྲུལ་སྐྱེལ་གནམ་གྲུར་སར་འཕང་བའི་འཕུར་མདའ་དེ་ཨུ་རུ་སིའི་ཡིན་པར་བཤད་རྗེས། ཨ་མེ་རི་ཁའི་སྲིད་འཛིན་ཨོ་པཱ་མཱ་ཡིས་ཚེས་21ཉིན་ཕོ་བྲང་དཀར་པོ་ནས་གཏམ་བཤད་སྤེལ་ཏེ། ཡུག་རེན་གྱི་མངའ་ཁོངས་སུ་ཡོད་པའི་ཨུ་རུ་སི་ལ་བློ་ཉེ་བའི་དྲག་ཆས་ཁ་བྲལ་རྩ་འཛུགས་ཀྱིས་ཡ་ང་བའི་དོན་རྐྱེན་བཟོས་པར་ཡང་བསྐྱར་སྒྲོག་སྐྱོན་འཛུགས་བྱས་པ་དང་། ཨུ་རུ་སི་ཡིས་ཁ་བྲལ་རྩ་འཛུགས་ལ་རྒྱབ་སྐྱོར་བྱེད་མཚམས་འཇོག་དགོས་པའི་ཉེན་བརྡ་བཏང་བར་མ་ཟད། ཁོ་ཚོས་ཧུར་ཐག་སྒོས་རྒྱལ་སྤྱིའི་སྤྱི་ཚོགས་ལ་རོགས་འདེགས་བྱས་ཏེ་རྟོག་ཞིབ་བྱེད་དགོས་པའི་རེ་བ་བཏོན།
