ཉེ་ལམ། རྔ་བ་ཁུལ་དང་ཁྲེན་ཏུའུ་གྲོང་ཁྱེར་གྱིས་མཉམ་འབྲེལ་སྒོས་སྐབས་གསུམ་པའི་ཞིང་ལས་ཐོན་རྫས་ཀྱི་སྦྲེལ་མཐུད་བྱེད་སྒོ་སྤེལ།

        ཁྲེན་ཏུའུ་གྲོང་ཁྱེར་ཚོང་དོན་ཨུ་ལྷན་དང་རྔ་བ་ཁུལ་ཚོང་དོན་ཅུས། ཞིང་ཕྱུགས་ལས་ཅུས་བཅས་ཀྱིས་ཐོན་ཁུངས་ཀྱི་ཁྱད་ཆོས་དང་ས་གནས་ཀྱི་ཁྱད་ཆོས་སྔོག་འདོན་བྱས་ཏེ་ཚོང་དོན་གྱིས་དམངས་ལ་ཁེ་ཕན་བསྐྲུན་པའི་སྦྲེལ་མཐུད་ལ་སྐུལ་འདེད་བཏང་ནས་ཞིང་ལས་ཐོན་རྫས་ཀྱི་སྦྲེལ་མཐུད་མཉམ་ལས་གསར་པར་འཚོལ་ཞིབ་བྱས། དོན་དངོས་དང་མཐུན་པར་རྔ་བ་ཁུལ་གྱི་ཞིང་ཕྱུགས་ཐོན་རྫས་བཙོང་དཀའ་བའི་གནད་དོན་དང་ཁྲེན་ཏུའུ་གྲོང་ཁྱེར་གྱི་སྡོད་དམངས་ཀྱིས་ལྷད་མེད་ཐོན་རྫས་ཉོ་དཀའ་བའི་གནད་དོན་ཐག་གཅོད་བྱས། 

         ཐེངས་འདིའི་བྱེད་སྒོའི་ཁྲོད། རྔ་བ་ཁུལ་གྱི་ཁེ་ལས་དང་ཆེད་ལས་མཉམ་ལས་ཁང་འགའ་ཡིས་ཁྲེན་ཏུའུ་གྲོང་ཁྱེར་གྱི་ཚོང་ཁང་དང་མཉམ་ལས་གྲོས་གཞིར་མིང་རྟགས་བཀོད་པར་མ་ཟད། བྱེད་སྒོར་ཞུགས་པའི་སྐུ་མགྲོན་དག་ཁྲེན་ཏུའུ་གྲོང་ཁྱེར་གྱི་ཞིང་ལས་ཁུལ་དང་གློག་ཚོང་རྟེན་གཞི་སོགས་ལ་ཕྱིན་ནས་རྒྱུས་ལོན་དང་སློབ་སྦྱོང་བྱས།།