ཞིང་ཆེན་ཏང་ཨུའི་གཅིག་གྱུར་གྱི་བཀོད་སྒྲིག་ལྟར། སྤྱི་ཟླ་8པའི་ཚེས14ཉིན་ནས་ཚེས16ཉིན་གྱི་བར་དུ། ཞིང་ཆེན་ཏང་ཨུའི་རྒྱུན་ཨུ། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཚུའེ་པའོ་ཧྭ་ཡིས་ལྟ་སྐུལ་མཛུབ་སྟོན་ཚན་ཆུང་གི་སྣེ་ཁྲིད་དེ་དཀར་མཛེས་ཁུལ་ཉག་ཆུ་རྫོང་སོགས་ས་གནས་སུ་དབུལ་བྲལ་འགག་སྒྲོལ་བྱ་བར་དངོས་སྡོད་ཞིབ་འཇུག་དང་ལྟ་སྐུལ་མཛུབ་སྟོན་གནང་སྟེ། ཀྲུང་དབྱང་དང་ཞིང་ཆེན་ཏང་ཨུའི་དབུལ་བྲལ་འགག་སྒྲོལ་བྱ་བའི་རྣམ་གྲངས་སོ་སོའི་བཀོད་སྒྲིག་བླང་བྱ་ཁག་ལག་བསྟར་དོན་འཁྱོལ་བྱས་པའི་གནས་ཚུལ་ལ་ཡུལ་དངོས་སུ་གཟིགས་ཞིབ་གནང་ནས།ད་ལོའི་དབུལ་བྲལ་འགག་སྒྲོལ་གྱི་ལས་འགན་ཁག་རྒྱལ་ཁའི་ངང་ལེགས་འགྲུབ་ཡོང་བར་ཁག་ཐེག་བྱས།

    ཚུའེ་པའོ་ཧྭ་དང་ལྷན་ཕེབས་རྣམས་སྔ་རྗེས་སུ་ཉག་ཆུ་རྫོང་གི་གྲོང་སྡེ་དང་ཡུལ་ཚོ་ཁ་ཤས་ནང་ “གཅིག་ལྔའི”དབུལ་སྐྱོར་དོན་འཁྱོལ་བྱས་པའི་གནས་ཚུལ་དང་། ད་ལོའི་དབུལ་བྲལ་འགག་སྒྲོལ་གྱི་བྱ་བའི་འཆར་འགོད་གྱི་རྣམ་གྲངས་དོན་འཁྱོལ་དང་འཕེལ་རྒྱས་སུ་ཕྱིན་པའི་གནས་ཚུལ། ད་ལོར་དབུལ་བྲལ་ཕྱུག་འགྱུར་ཡོང་བའི་སྡེ་བ་དང་། དབུལ་ཕོངས་དུད་ཚང་དབུལ་བྲལ་འགག་སྒྲོལ་ཡོང་བར་བྱེད་པའི་ཐད་དུ་སེམས་ཁྲལ་བྱེད་མི་དགོས་པ་གཉིས་དང་འགན་ལེན་གསུམ།ལེགས་པ་བཞི་ཡི་དམིགས་ཡུལ་གནས་ཚུལ་བཅས་ཀྱི་སྐོར་ལ་ཡུལ་དངོས་སུ་རྟག་དཔྱད་གནང་། དེ་མིན་དབུལ་ཕོངས་སྡེ་བ་རེ་ལ་སླེབས་སྐབས། ཚུའེ་པའོ་ཧྭ་ཡིས་ས་གནས་ཀྱི་ལས་བྱེད་པ་དང་དབུལ་སྐྱོར་འགན་ཁུར་བའི་ལས་ཀའི་གནས་ཚུལ་ཞུས་པའི་སྐོར་ལ་ནན་ཏན་གྱིས་གསན་འཇོག་གནང་། 
   དབུལ་ཕོངས་མང་ཚོགས་ཀྱི་ཁྱིམ་ཚང་དུ། ཚུའེ་པའོ་ཧྭ་ཡིས་ཐོན་སྐྱེད་འཚོ་བའི་གནས་ཚུལ་ལ་རྒྱུས་ལོན་ཞིབ་མོ་གནང་བར་མ་ཟད། ས་གནས་ཀྱི་ལས་བྱེད་པ་དང་མང་ཚོགས་གིས་ཡུལ་དངོས་ནས་དབུལ་བྲལ་འགག་སྒྲོལ་ལས་ཀའི་བྱེད་ཐབས་དང་དོན་འཁྱོལ་བྱས་པའི་འགན་འཁྲི་དང་བྱེད་ཐབས་སྐོར་ནས་དཔྱད་བསྡུར་གནང་། 
   ཉག་ཆུ་རྫོང་ནས་བསྡུ་འཚོགས་བྱས་པའི་བཞུགས་མོལ་འཚོགས་འདུའི་ཐོག་ཏུ། ཚུའེ་པའོ་ཧྭ་ཡིས་ཉག་ཆུ་རྫོང་གི་མང་ཚོགས་གིས་བྱ་བ་སྒྲུབ་པའི་བརྩོན་སེམས་རང་བཞིན་ཤུགས་ཆེར་ལྡན་པ་དང་། དབུལ་སྐྱོར་བྱ་བ་སྒྲུབ་པ་ཅུང་ལེགས་པ། རྫོང་གི་གནས་ཚུལ་དང་མཐུན་པའི་སྒོ་ནས་རྫོང་འཛུགས་སྐྲུན་བྱས་པ་ལེགས་པ། གྲོང་ཚོར་བཅའ་སྡོད་རོགས་སྐྱོར། མང་ཚོགས་ཀྱི་ཡོང་འབབ་འཕར་སྣོན། ཐུན་མོང་གི་དཔལ་འབྱོར། ས་ཁུལ་གྱི་འཕེལ་རྒྱས། མི་སྡོད་ཁོར་ཡུག་འཛུགས་སྐྲུན་སོགས་ཕྱོགས་ཀྱི་བྱ་བ་སྒྲུབ་པ་ལེགས་པོ་འདུག་ཅེས་གསུངས།།