དར་གོས་ཚོང་ལམ་གྱི་དཔལ་འབྱོར་ཁུལ་གྱི་ཀན་སུའུ་ཡི་ལམ་བུ་འཛུགས་སྐྲུན་བྱེད་པའི་གོ་སྐབས་དམ་འཛིན་དང་། རྒྱལ་ཁབ་ཀྱི་ས་ཁོངས་ཡོངས་ཀྱི་ཡུལ་སྐོར་དཔེ་སྟོན་ཁུལ་གྱི་འཛུགས་སྐྲུན་ལ་སྐུལ་འདེད་བྱེད་པ། གོམ་གང་མདུན་སྤོས་སྒོས་རིག་གནས་ཡུལ་སྐོར་ཐོན་ལས་གཏིང་ཟབ་ཀྱིས་མཉམ་འདྲེས་གོང་འཕེལ་དུ་གཏང་བ། ཁྱད་ཆོས་དགུ་ལྡན་གྱི་ཀན་ལྷོའི་ཤམ་བྷ་ལའི་རིག་གནས་ཡུལ་སྐོར་སྤུས་ལེགས་ཚོང་རྟགས་ཀྱི་མིང་གྲགས་ཇེ་མཐོ་དང་ཤུགས་རྐྱེན་ཇེ་ཆེར་གཏང་ཆེད། ཀན་ལྷོ་ཁུལ་ཨུ་དང་ཁུལ་སྲིད་གཞུང་གིས་ཞིབ་འཇུག་གྲོས་ཆོད་ལས་སྤྱི་ཟླ་7པའི་ཚེས་18ཉིན་གྱི་དགོང་མོར་ཀན་ལྷོ་ཟློས་གར་ཁང་ཆེན་མོར་2016ལོའི་འཛམ་གླིང་ཡུལ་སྐོར་མགྲིན་ཚབ་པའི་ཀྲུང་གོའི་གྲངས་ཉུང་མི་རིགས་འགྲན་ཁུལ་གྱི་གཟེངས་བསྟོད་མཛད་སྒོ་དང་རྒྱུད་གཅིག་ལམ་གཅིག་ལམ་ཐིག་གི་རྒྱལ་ཁབ་མི་རིགས་གྱོན་གོས་འགྲེམ་སྟོན་གཟབ་རྒྱས་ངང་འཚོགས་རྒྱུ་རེད།།