སྤྱི་ཟླ་3པའི་ཚེས་11ནས་ཚེས་16བར། ཞིང་ཨུའི་དྲིལ་བསྒྲགས་པུའུ་ཡི་བརྟག་ཞིབ་ཚན་ཆུང་གིས་དཀར་མཛེས་རྫོང་དུ་བོད་ཁུལ་གྱི་རིག་གནས་དྲིལ་བསྒྲགས་ཀྱི་གཙོ་གནད་ལས་ཀ་དོན་འཁྱོལ་བྱས་པའི་གནས་ཚུལ་ལ་ལྟ་སྐུལ་མཛུབ་ཁྲིད་དང་ཞིབ་བཤེར་གནང་།

    བརྟག་ཞིབ་ཚན་ཆུང་དཀར་མཛེས་རྫོང་ཨུའི་དྲིལ་བསྒྲགས་པུའུ་དང་། རྫོང་ཨུའི་རྩ་འཛུགས་པུའུ།  རྫོང་རིག་གནས་ཡུལ་སྐོར་རྒྱང་བསྒྲགས་བརྙན་འཕྲིན་ཅུས། དྲན་རྟེན་ཁང་། རྫོང་སློབ་འབྲིང་། དཀར་མཛེས་གྲོང་རྡལ། དཀར་མཛེས་དགོན་པ་སོགས་སྡེ་ཚན་ཁག་ཏུ་སོང་ནས་རྟོག་ཞིབ་གནང་། དཔྱད་གཞིའི་ཡིག་ཆར་ལྟ་བ་དང་སྙན་གསེང་ལ་གསན་པ། ཡུལ་དངོས་བརྟག་ཞིབ། བཞུགས་མོལ་ཚོགས་འདུ་སོགས་ཀྱི་རྣམ་པ་བརྒྱུད་དེ། རྒྱ་བོད་སྐད་གཉིས་ཀྱི་སྒྲོག་འགྲེལ་དང་བཅའ་ཁྲིམས་དགོན་སྡེར་སྐྱེལ་པ། སྤྱི་པའི་རིག་གནས་ཞབས་ཞུའི་མ་ལག སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་དྲིལ་བསྒྲགས་སློབ་གསོ་དང་གསར་བརྗེའི་རིག་གནས་ཀྱི་ཐོན་ཁུངས་གསར་སྤེལ་དང་བེད་སྤྱོད་བྱས་པའི་སོགས་ཀྱི་གནས་ཚུལ་ལ་ལྟ་རྟོག་བྱས།
      བསམ་འཆར་བསྡུ་ལེན་གྱི་གྲོས་ཚོགས་སྟེང་བརྟག་ཞིབ་ཚོགས་ཆུང་གིས་དཀར་མཛེས་རྫོང་གི་བསམ་བློའི་རིག་གནས་དྲིལ་བསྒྲགས་ལས་ཀའི་ཐད་ལ་ཁས་ལེན་གང་ལེགས་བྱས། རྫོང་འདིའི་ལས་ཀའི་རིགས་ལམ་གསལ་པོ་ཡིན་པ་དང་གཙོ་གནད་འབུར་དུ་ཐོན་ལ། རྫོང་ཡོངས་ཀྱི་བསམ་བློའི་རིག་གནས་དྲིལ་བསྒྲགས་ལས་ཀའི་སྒྲུབ་ཚད་ལེགས་པོ་ཡིན་པ་དང་། སྤྱི་པའི་རིག་གནས་ཞབས་ཞུའི་མ་ལག་འཛུགས་སྐྲུན་ཐད་ལ་གྲུབ་འབྲས་ཆེན་པོ་ཐོབ་ཡོད། གཞུང་ལུགས་ཀྱི་ཕན་ནུས་མཐོར་འདེགས་བྱུང་ཞིང་བོད་རྒྱ་སྐད་གཉིས་སྒྲོག་འགྲེལ་སྤེལ་ཤུགས་ཆེ་བའི་གྲུབ་འབྲས་མངོན། ས་གནས་ཀྱི་ཁྱད་ཆོས་ལྡན་པའི་གསར་བརྗེའི་རིག་གནས་ཐོན་ཁུངས་སྔོག་འདོན་གང་ལེགས་བྱས་ཤིང་། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་དྲིལ་བསྒྲགས་སློབ་གསོ་དེ་དཔལ་འབྱོར་སྤྱི་ཚོགས་འཕེལ་རྒྱས་ནང་མཐུན་སྦྱོར་བྱེད་པ་རྒྱུན་འཁྱོངས་བྱས་ཤིང་། རིག་གནས་ཀྱི་ཁྱད་ཆོས་སྔོན་གསལ་ཡིན་པ་དང་། ལས་ཀ་ལ་གྲུབ་འབྲས་གཡུར་དུ་ཟ་བ་བླངས་ཡོད་པས་བསྔགས་བརྗོད་བྱེད་འོས་པའི་གྲུབ་འབྲས་བླངས།།