སྤྱི་ཟླ་8པའི་ཚེས་19ཉིན་ནས་ཟླ་8པའི་ཚེས་20ཉིན་བར། རྔ་བ་ཁུལ་ཨུའི་སྒྲོག་འགྲེལ་ཚོགས་པའི་ཡན་ལག་རུ་ཁག་གཉིས་པ་མཛོད་དགེ་རྫོང་དུ་བསྐྱོད་དེ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སྒྲོག་འགྲེལ་བྱེད་སྒོ་སྤེལ། བྱེད་སྒོར་ཚང་འཛོམས་གྲོས་ཚོགས་ཀྱི་དགོངས་དོན་ཁྱོན་ཡོངས་ནས་གསལ་འགྲེལ་བྱས་ཏེ་གཞི་རིམ་ལས་བྱེད་ལས་བཟོ་བར་བསམ་བློ་བརྗེ་རེས་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་བློ་ལ་ངེས་པ་དང་ལག་ལེན་དུ་བསྟར་བར་སྐུལ་འདེད་བཏང་། 

སྙན་འབུལ་ཚོགས་འདུར་སྒྲོག་འགྲེལ་ཚོགས་པའི་ལས་དོན་མི་སྣས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་གནང་བའི་གསུང་བཤད་གལ་ཆེན་དང་། ཚང་འཛོམས་གྲོས་ཚོགས་ཀྱི《ཆོད་དོན》ལ་དམ་པོར་དམིགས་ནས། ཚང་འཛོམས་གྲོས་ཚོགས་ཀྱི་གཞི་རྩའི་གནས་ཚུལ་ངོ་སྤྲོད་བྱས། ཏང་དང་རྒྱལ་ཁབ་ཀྱི་བྱ་གཞག་ལ་ཐོབ་པའི་གྲུབ་འབྲས་གལ་ཆེན་ལ་ཕྱིར་མིག་བལྟས་ནས་སྒྱུར་བཅོས་སྔར་བས་གཏིང་ཟབ་ཏུ་གཏོང་བའི་གལ་ཆེའི་རང་བཞིན་དང་དགོས་ངེས་རང་བཞིན། རྩ་དོན་གལ་ཆེན་དང་གནད་དོན་གལ་ཆེན། སྒྱུར་བཅོས་བྱེད་ཐབས་གལ་ཆེན་བཅས་བརྒྱུད་རིམ་ལྡན་པའི་སྒོ་ནས་གསལ་འགྲེལ་བྱས།

མཛོད་དགེ་རྫོང་འགྲིམ་འགྲུལ་སྐྱེལ་འདྲེན་ཅུས་ཏང་ཙུའུ་ཡི་ཧྲུའུ་ཅི། ཅུས་ཀྲང་ཀྲང་ཆིན་ཏོང་གིས་སྐབས་ཉི་ཤུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་གསལ་འགྲེལ་ལ་ཉན་རྗེས། ཚང་འཛོམས་གྲོས་ཚོགས་ཀྱི་དགོངས་དོན་གསལ་པོར་རྟོགས། རྗོང་འགྲིམ་འགྲུལ་སྐྱེལ་འདྲེན་སྡེ་ཁག་ཞིག་ཡིན་པའི་ངོས་ནས། ང་ཚོས་འགྲིམ་འགྲུལ་སྐྱེལ་འདྲེན་དང་མི་དམངས་མང་ཚོགས་ཀྱི་ཐོན་སྐྱེད་འཚོ་བའི་དབར་གྱི་འབྲེལ་བར་ངོས་འཛིན་གང་ལེགས་བྱས་ཏེ། མི་དམངས་མང་ཚོགས་ཀྱི་འགྲོ་སྐྱོད་བདེ་འཇགས་ལ་བློ་ཡིད་ཚིམ་ཚད་མཐོ་རུ་གཏོང་རྒྱུ་དེ་ལས་ཀའི་འགོ་འཛུགས་ས་དང་གཞི་ཚུགས་སར་བརྩི་དགོས་ཞེས་བཤད།

མཛོད་དགེ་རྫོང་སྐྱ་རེངས་སྡེ་ཁུལ་དུ་སྒྲོག་འགྲེལ་ཚོགས་པས་མི་དམངས་མང་ཚོགས་ཀྱིས་དོ་ཁུར་བྱེད་པའི་གནད་དོན་ལ་དམིགས་ནས། མང་ཚོགས་ཀྱི་ཁྲོད་དུ་བསྐྱོད་དེ་ཁ་བརྡ་བྱས་ཏེ་མང་ཚོགས་ཀྱི་སྤྲོ་སེམས་འཕེལ་དུ་བཅུག །གཏམ་རྒྱུད་བཤད་པ་དང་གྱོད་དཔེ་དབྱེ་ཞིབ།  འགྱུར་ལྡོག་གླིང་བཞིན་སྒྲོག་འགྲེལ་གྱི་ནང་དོན་གསལ་འགྲེལ་བྱས་པས། མང་ཚོགས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་སློབ་སྦྱོང་དང་གོ་བ་ལེགས་པོ་བླངས།

མཛོད་དགེ་རྫོང་སྐྱ་རེངས་སྡེ་ཁུལ་གྱི་སྡོད་དམངས་ཝུན་ཁང་གིས་ལོ་ཤས་རིང་ཏང་དང་སྲིད་གཞུང་གི་སྲིད་ཇུས་རབ་དང་རིམ་པ་བཏོན་ནས་མི་སེར་གྱི་འཚོ་བར་སྔར་བས་དོ་ཁུར་བྱེད་ཀྱི་ཡོད། སློབ་གསོ་དང་སྨན་བཅོས། ལས་ཞུགས། སྡོད་ཁང་བཅས་མི་སེར་གྱི་འདོད་དོན་ཚང་མ་ཏང་དང་རྒྱལ་ཁབ་ཀྱི་དོན་ཆེན་དུ་བརྩིས་ཡོད། སྡེ་ཁུལ་གྱི་ཁོངས་མི་ཞིག་ཡིན་པའི་ངོས་ནས། སྡེ་ཁུལ་གྱི་འཕེལ་རྒྱས་གསར་པ་དང་འགྱུར་ལྡོག་གསར་པ་མཐོང་ཐུབ། མི་སེར་གྱི་འཚོ་བ་ཇེ་ལེགས་སུ་ཕྱིན་ནས་བསམ་པའི་རིག་གནས་ཀྱང་ཕུན་སུམ་ཚོགས་པོར་གྱུར་ཡོད། མིག་སྔའི་དུས་སྐབས་འདིར་གཅེས་སྤྲས་བྱས་ཏེ། ཏང་དང་རྒྱལ་ཁབ་ལ་དྲིན་གཟོ་དགོས་ཞེས་བཤད།

ཐེངས་འདིའི་སྒྲོག་འགྲེལ་ལས་སྒོས་ཐབས་ལམ་སྣ་མང་བརྒྱུད་གཞུང་ལུགས་གོ་སླ་བར་བཏང་བར་མ་ཟད། དོན་དངོས་དང་ཟུང་འབྲེལ་གྱིས་གྱོད་དཔེ་དབྱེ་ཞིབ་བྱས། མཛོད་དགེ་རྫོང་ཐང་སྐོར་གྲོང་རྡལ་གྱི་ལས་བྱེད་ལས་བཟོ་བ་རྣམས་ཀྱིས་སྤྲོ་སེམས་རབ་ཏུ་འཕེལ་བ་ངང་སྒྲོག་འགྲེལ་སྙན་ཞུར་ཉན་ནས། ཚང་འཛོམས་གྲོས་ཚོགས་ཀྱི་དགོངས་དོན་ལ་བསམ་ཤེས་ལེགས་པོ་བསྐྱེད། ཚང་མས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་བྱས་ཏེ། བསམ་སྦྱོར་གཉིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་བྱས་ཏེ། ས་གནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རང་ཉིད་ཀྱི་སྟོབས་ཤུགས་ལེགས་སྐྱེས་འབུལ་རྒྱུ་ཡིན་ཞེས་བཤད། 

ཐང་སྐོར་གྲོང་རྡལ་མི་དམངས་སྲིད་གཞུང་གི་ཏང་འཛུགས་སྐྱོང་ལས་དོན་མི་སྣ་དབྱང་ཆིན་ཁྲིན་གྱིས། ལའོ་ཐོན་ཀྲང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་འགྲེལ་བཤད་ཟབ་མོ་བྱས། ང་ཚོར་ཆབ་སྲིད་སྣེ་ཁྲིད་དང་འཐབ་ཇུས་བསམ་བློ། རྒྱལ་ཁབ་ཀྱི་གནས་ཚུལ་ངོས་འཛིན་བཅས་ཀྱི་སྐོར་ནས་སློབ་ཁྲིད་གནང་། ང་ཚོས་ཚང་འཛོམས་གྲོས་ཚོགས་ཀྱི་དགོངས་དོན་དྲིལ་བསྒྲགས་པ་དང་ལག་ལེན་པ་ཡག་པོ་བྱས་ཏེ། ལས་གནས་ཀྱི་དོན་དངོས་ལ་གཞི་ཚུགས་ནས་སློབ་སྦྱོང་དྲིལ་བསྒྲགས་ཐད་དོན་དངོས་སྒྲུབ་དགོས་ལ། ཐབས་ཇུས་བཀོད་སྒྲིག་དང་ཞབས་ཞུ་ལེགས་འདོན་གྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཁྱོན་ཡོངས་ནས་དྲིལ་བསྒྲགས་བྱེད་དགོས་ཞེས་བཤད། །