སྤྱི་ཟླ་10པའི་ཚེས་22ཉིན་ནས་ཚེས་23ཉིན་བར། དཀར་མཛེས་ཁུལ་ནང་བསྟན་མཐུན་ཚོགས་ཀྱིས་སྐབས་བརྒྱད་པའི་རྒྱུན་ལས་ལས་འཛིན་གྲོས་ཚོགས་ཐེངས་དྲུག་པ་དང་ཐེངས་བཅུ་གསུམ་པའི་《དེང་རབས་བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་ཀྱི་སྲོག་ཤིང་གི་རིན་ཐང་ལྟ་བའི》བརྗོད་དོན་བགྲོ་གླེང་ཚོགས་འདུ་དེ་ལྕགས་ཟམ་རྫོང་དུ་འཚོགས། ཚོགས་འདུའི་ཐོག་དཀར་མཛེས་ཁུལ་ནང་བསྟན་མཐུན་ཚོགས་ཀྱི་ཚོགས་གཙོ་རྒྱལ་བསྟན་བློ་བཟང་བྱམས་པས་གསུང་བཤད་གནང་བ་དང་། དེ་རྗེས་མི་རིགས་ཆོས་ལུགས་ཨུ་ལྷན་གྱི་རིམ་པ་དང་པོའི་རྟོག་ཞིབ་པ་ཡན་ཁེ་ཡོན། ཞིང་ཆེན་འཐབ་ཕྱོགས་གཅིག་གྱུར་པུའུ་ཡི་རིམ་པ་གཉིས་པའི་སྐོར་གཟིགས་པ་ཧང་ཡོང་མིང་། ཞིང་ཆེན་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་ལན་ཀན་བཅས་ཀྱིས་གསུང་བཤད་གནང་། མཇུག་མཐར་དཀར་མཛེས་ཁུལ་ཨུ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་སངས་དགས་ཁུལ་ཡོངས་ཀྱི་བླ་སྤྲུལ་ཡོངས་ཀྱིས་དེང་རབས་ནང་བསྟན་དང་སྤྱི་ཚོགས་རིང་ལུགས་ཀྱི་སྲོག་ཤིང་གིི་རིན་ཐང་ལྟ་བ་དང་མཐུན་པའི་ལས་དོན་སྐོར་དང་། ཆོས་ལུགས་མི་སྣ་ཏང་ལ་བློ་དཀར་ཞིང་རྒྱལ་ཁབ་ལ་དགའ་ཞེན་ཡོད་པའི་དེང་རབས་ཀྱི་འདུལ་ཁྲིམས་སྲུང་བའི་བླ་གྲྭ་ཚད་ལྡན་བྱ་དགོས་པའི་སྐོར་གྱི་གསུང་བཤད་གལ་ཆེན་གནང་བ་དང་། རྡོ་རྗེ་བཀྲ་ཤིས་ཀྱིས་ཚོགས་འདུ་གཙོ་སྐྱོང་གནང་།ད་དུང་ཚོགས་ཐོག་ཏུ་དེང་རབས་བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་ཀྱི་སྲོག་ཤིང་གིི་རིན་ཐང་ལྟ་བའི་ཕྱག་རྩོམ་དཔྱད་འདེམས་ཀྱི་བྱ་དགའ་ཐོབ་མཁན་ལ་བྱ་དགའི་དཔང་ཡིག་སྤྲད་པ་དང་། བོད་བརྒྱུད་ནང་བསྟན་དགོན་སྡེའི་དཔེ་ཁྲིད་དགེ་རྒན་ཁག་ཅིག་ལ་ཐོབ་ཐང་དཔང་ཡིག་ཁག་ཅིག་སྤྲད། །