ལྷ་རྒྱལ་གླིང་གིས་གླང་རྔ་བསྡུ་མགོ་བརྩམས།
ཡོང་ཁུངས། རྔ་བའི་བོད་ཡིག་གསར་འགྱུར།
སྤེལ་དུས།: ༢༠༢༡ ལོའི་ཟླ་ ༨ ཚེས་ ༥
ལྷ་རྒྱལ་གླིང་གི་ཁོངས་སུ་རི་བོ་དང་རྩྭ་ཐང་། ན་འདམ། མཐོ་སྒང་གི་ས་བབ་གཙོ་བོ་ཡིན་ལ། སྐམ་སའི་རང་བཞིན་གྱི་མཐོ་སྒང་གི་དུས་རླུང་ནམ་གཤིས་ཡིན་ལ། ཆ་སྙོམས་མཚོ་ངོས་ལས་མཐོ་ཚད་སྨི3300ཡས་མས་ཡིན། ལོ་གཅིག་གི་ཆ་སྙོམས་དྲོད་ཚད་ཏུའུ་1.4ཡིན་ལ། དྲོད་ཚད་ཆེས་དམའ་ཤོས་ནི་ཀླད་ཀོར་མན་གྱི་ཏུའུ་36ཡིན། ཉིན་མཚན་གཉིས་ཀྱི་དྲོད་ཁྱད་ཧ་ཅང་ཆེ། ས་མཐོ་ས་དང་ཉི་འོད་ཆེ་ས། དྲོད་ཚད་དམའ་ས་རུ་སྐྱེས་ཡུན་རིང་མོད། ལྗང་མདོག་གི་ཁོར་ཡུག་ནས་སྐྱེས་པའི་གླང་རྔ་ནི་མདོག་ཡག་ཅིང་ཞིམ་པར་མ་ཟད། ཕུན་སུམ་ཚོགས་པའི་འཚོ་བཅུད་འདུས་ཡོད་པས། གནོད་མེད་ལྗང་མདོག་སྔོ་ཚལ་ངོ་མ་ཡིན། ཁོར་ཡུག་གི་དབང་གིས་གླང་རྔའི་སྤུས་ཀ་བཟང་བ་དང་། ཁྲོམ་རའི་རིན་གོང་ཡང་ཤིན་ཏུ་བཟང་། ཁྲེང་ཏུའུ་དང་མེན་དབྱང་སོགས་ཉེ་འཁོར་གྲོང་ཁྱེར་གྱི་སྔོ་ཚལ་ཁྲོམ་རའི་ཚོང་བྲིན་ཤོས་ཀྱི་ཚོང་ཟོག་ཡིན།
རྒྱུས་ལོན་པ་ལྟར་ན། ལྷ་རྒྱལ་གླིང་གྲོང་རྡལ་གྱི་ཞིང་བ་མང་ཤོས་ཀྱི་ཐོན་ལས་གཙོ་བོ་ནི་གླང་རྔ་འདེབས་འཛུགས་ཡིན་ལ། ད་ལོར་གྲོང་རྡལ་གྱི་གླང་རྔ་འདེབས་འཛུགས་ཀྱི་རྒྱ་ཁྱོན་མུའུ1767ཟིན་ཡོད་ལ། སྔོན་དཔག་ལྟར་ན་མུའུ་རེ་ནས་སྒོར15000ཡས་མས་ལོན་རྒྱུ་རེད།
