ནོར་བུ་ལ་མཚོན་ན་ཁོ་ཚང་གི་ཁང་པའི་གདུང་འདེགས་ཀ་བ་ལྟར་ཁྱིམ་གྱི་དོན་དག་ཆེ་མ་ཆུང་གསུམ་གང་ཡིན་རུང་ཁོའི་ཕྲག་ཏུ་ལྷུང་ཡོད་པ་ཡིན། སྡེ་བའི་ཁ་ཡ་ན་ཟླ་ཚོའི་གྲལ་དུ་བློ་རིག་གཉིས་འཛོམས་ཡིན་ཞིང་གསར་རྒོད་ཅིག་གི་ཁྱད་ཆོས་ཡོངས་སུ་འཛོམས་ཡོད། ཡིན་ན་ཡང་ཁོས་ད་རག་བར་དུ་ཡེ་ནས་བསྒྱུར་ཐུབ་མེད་པ་ཞིག་ནི་དོན་དག་ཕྲན་ཚེགས་རེར་ཡང་ཨུ་ཚུགས་བྱེད་རྒྱུ་དེ་རེད། ཐེངས་ཤིག་ལ་ནོར་བུས་ཨུ་ཚུགས་བྱས་ཏེ་གློག་རིན་མ་སྤྲད་པས་གློག་འདོན་ཀུང་སི་ཁོ་ཚང་ལ་ཆེད་དུ་གློག་རིན་འདེད་དུ་ཐོན་ཞིང་། ཁོས་དོན་དག་དེར་དོ་སྣང་ཆེར་མ་བྱས་ལ་སེམས་སུ་གློག་རིན་སྔ་མོ་ནས་ཆད་འགྱངས་བྱས་ཡོད་ཀྱང་། གློག་ད་དུང་མ་བཅད་པས་ད་ལྟ་གློག་རིན་མ་སྤྲད་ནའང་སྐྱོན་མེད་པར་སྙམ།ཉིན་ཞིག་གི་དགོང་མོར། ཁོ་ཚང་གི་བཟའ་མི་ཚང་མས་དགའ་དགའ་སྤྲོ་སྤྲོའི་ངང་ནུབ་ཟས་ལ་རོལ་སྐབས་གློ་བུར་དུ་གློག་ཆད་པ་རེད། འདིར་ཁྱེད་བཅའ་ཁྲིམས་བློ་སྟོན་ཁང་ལ་དྲི་རྒྱུ་ཞིག་ཡོད་པ་ནི། གློག་འདོན་ཀུང་སིས་དེ་ལྟར་གློག་བཅད་པའི་བྱེད་སྟངས་ནི་དམངས་དོན་ཁྲིམས་གཞུང་གི་གཏན་འཁེལ་དང་མཐུན་ནམ།