ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དབྱི་སི་རལ་གྱི་ཙུང་ལིའི་གཞུང་སྒྲུབ་ཁང་གིས་ཚེས་ཉེར་ལྔ་ཉིན་གསལ་སྒྲོག་སྤེལ་ཏེ། དབྱི་སི་རལ་གྱི་ནེ་ཀི་ཡིས་ཉིན་དེར་དབྱི་སི་རལ་དང་པཱ་ལིན་གྱི་འབྲེལ་བ་རྒྱུན་ལྡན་ཅན་དུ་གཏོང་བའི་གྲོས་མཐུན་ལ་ཆོག་མཆན་བཀོད་ཟེར།
དབྱི་སི་རལ་གྱི་ཙུང་ལིའི་གཞུང་སྒྲུབ་ཁང་གིས་གསལ་སྒྲོག་ཅིག་ལས་བཤད་རྒྱུར། ནེ་ཀི་ཡིས་གྲོས་མཐུན་དེར་ཆོག་མཆན་བཀོད་དེ་གྲོས་མཐུན་དེ་གྲོས་ཚོགས་ལ་སྤྲོད་རྒྱུ་ཡིན་ཟེར། དབྱི་སི་རལ་གྱི་གསར་འགྱུར་ལས་རིགས་ཀྱིས་བསྒྲགས་པ་ལྟར་ན། གྲོས་མཐུན་དེར་ནེ་ཀིའི་ཆོག་མཆན་ཐོབ་རྗེས་གྲོས་ཁང་ལ་སྤྲད་ནས་བརྡས་ཐག་གཅོད་དུ་འཇུག་རྒྱུ་ཡིན་པ་དང་། དེའི་རྗེས་སུ་གྲོས་མཐུན་ལ་ད་རུང་ནེ་ཀི་ཡིས་མཇུག་མཐའི་ཆོག་མཆན་འགོད་དགོས་ཟེར།
དབྱི་སི་རལ་གྱི་ནེ་ཀི་ཡིས་ཚེས་ལྔ་ཉིན་ཆེས་མཇུག་མཐར་དབྱི་སི་རལ་དང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་འབྲེལ་བ་རྒྱུན་ལྡན་དུ་གཏོང་བའི་གྲོས་མཐུན་ལ་ཆོག་མཆན་བཀོད། གྲོས་མཐུན་དེར་ཚེས་བཅུ་གཉིས་ཉིན་དབྱི་སི་རལ་གྱི་ནེ་ཀི་ཡི་ཆོག་མཆན་ཐོབ་པ་དང་། ཚེས་བཅོ་ལྔ་ཉིན་དབྱི་སི་རལ་གྲོས་ཁང་གི་ཆོག་མཆན་ཐོབ་པ་རེད། །
