ཉེ་བའི་ལོ་ཤས་རིང་། སྡེ་དགེ་རྫོང་ཨུ་དང་རྫོང་སྲིད་གཞུང་གིས་མི་རིགས་ཀྱི་དམངས་ཁྲོད་བཟོ་རྩལ་རྒྱུན་འཛིན་དང་སྲུང་སྐྱོང་། འཕེལ་རྒྱས་སོགས་ཀྱི་ལས་ཀ་ལ་ཚད་མཐོའི་མཐོང་ཆེན་བྱས་ཤིང་། ཡུལ་དུས་དང་བསྟུན་ནས་གྲོང་གསེབ་དར་རྒྱས་དང་། རིག་གནས་དང་ཡུལ་སྐོར་མཉམ་འདྲེས། ས་ཁོངས་རང་གི་རིག་གནས་ཀྱིས་དབུལ་སེལ་འགག་སྒྲོལ་གྱི་ལས་ཀར་སྐུལ་འདེད་བྱས་པ་བཅས་ཕྱོགས་མང་འཕེལ་རྒྱས་གཏོང་བའི་ཐབས་ཤེས་སྤྱད་དེ་གྲུབ་འབྲས་མངོན་གསལ་དོད་པོ་ཐོབ་ཡོད། དེས་ན་རྟོག་ཞིབ་དང་རིགས་པས་ཁུངས་སྐྱེལ་བྱས་པར་བརྒྱུད་སི་ཁྲོན་ཞིང་ཆེན་སྡེ་དགེ་རྫོང་ལ་ཀྲུང་གོའི་བོད་ཀྱི་སྲོལ་རྒྱུན་ལག་ཤེས་བཟོ་རྩལ་གྱི་ཕ་ས་ཞེས་པའི་མིང་བཏགས་གནང་བར་གཏན་འབེབས་བྱས་པ་རེད། །
