2014ལོའི་ཟླ་9པའི་ཚེས་3ཉིན་ནི་ཀྲུང་གོའི་མི་དམངས་འཇར་འགོག་དམག་འཁྲུག་དང་འཛམ་གླིང་གི་ཧྥ་ཞི་སིར་འགོག་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་འཁོར་69ལོན་པའི་རྗེས་དྲན་ཉིན་མོ་ཡིན། སྤྱི་ཟླ་9པའི་ཚེས་3ཉིན་གྱི་ཞོགས་པར།  རྒྱལ་སའི་ལས་རིགས་སོ་སོ་ནས་རྗེས་དྲན་གྱི་མཛད་སྒོ་གཟབ་སྒོ་སྤེལ་ལ། ཏང་དང་རྒྱལ་ཁབ་ཀྱི་འགོ་ཁྲིད་རྣམས་ཀྱང་མཛད་སྒོར་ཞུགས།

                 ཐེངས་འདི་མཛད་སྒོ། ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ཁང་དང་། ཀྲུང་དབྱང་བརྙན་འཕྲིན་ཁང་།  ཀྲུང་གོའི་རྒྱལ་སྤྱིའི་ཀུན་ཁྱབ་རླུང་འཕྲིན་ཁང་བཅས་ཀྱིས་ཡུལ་དངོས་ནས་ཐད་གཏོང་བྱ་རྒྱུ་ཡིན་ལ།  མི་དམངས་དྲ་བ་དང་ཞིན་ཧྭ་དྲ་བ། ཀྲུང་གོའི་དྲ་རྒྱའི་བརྙན་འཕྲིན་ཁང་བཅས་ཀྱིས་ཀྱང་ཡུལ་དངོས་ཐད་གཏོང་བྱ་རྒྱུ་རེད།