སྤྱི་ཟླ5པའི་ཚེས14ཉིན། སྐབས་བཅུ་བཞི་པའི་ཀྲུང་གོའི་ཧྲེན་ཀྲན་རྒྱལ་སྤྱིའི་རིག་གནས་ཐོན་ལས་དངོས་མང་སྟོན་ཚོགས་ཀྱི་ཉོ་ཚོང་འདུ་ཚོགས་རྒྱལ་ཁའི་ངང་མཇུག་བསྒྲིལ་བ་རེད། དཀར་མཛེས་ཁུལ་གྱི་སྒྲོལ་ལྗང ་ལི་སྐུ་མ་ལ“ཀྲུང་གོའི་བཟོ་རྩལ་མཛེས་རྩལ་རིག་གནས་གསར་གཏོད”ཀྱི་གསེར་གྱི་རྟགས་མའི་བྱ་དགའ་ཐོབ་ནས་ཐེངས་འདིའི་རིག་གནས་དངོས་མང་སྟོན་ཚོགས་སྟེང་མི་རྣམས་ཀྱིས་ཆེས་དོ་ཁུར་བྱ་ཡུལ་དུ་གྱུར་པ་རེད།
ཤེས་རྟོགས་བྱུང་བ་ལྟར་ན། ཐེངས་འདིའི་རིག་གནས་དངོས་མང་སྟོན་ཚོགས་སྟེང་གི་དཀར་མཛེས་ཁུལ་གྱི་འགྲན་བསྡུར་ནང་ཞུགས་པའི་བཤམ་སྟོན་ཐོན་རྫས་དག་ལས་བཟོ་རྩལ་གྱི་ཐོན་རྫས10ལ་བྱ་དགའ་ཐོབ་ཡོད་པ་དང་། དཔལ་ཡུལ་རྫོང་རྫོང་སར་རིག་གནས་སྤྱི་གཉེར་ཁང་གི་འགྲེམ་སྟོན་ལ་ཞུགས་པའི་བརྩམས་ཆོས་ལ་བཟོ་རྩལ་མཛེས་རྩལ་རིག་གནས་གསར་གཏོད་ཀྱི་གསེར་གྱི་རྟགས་མའི་བྱ་དགའ་ཐོབ། དཔལ་ཡུལ་རྫོང་ཧོར་པོ་བོད་ཀྱི་ལག་རྩལ་སྤྱི་གཉེར་ཁང་། ཉག་རོང་རྫོང་སྨན་འདུམ་ཞལ་འབག་སོགས་ལ་བཟོ་རྩལ་མཛེས་རྩལ་གྱི་རིག་གནས་གསར་གཏོད་ཀྱི་དངུལ་གྱི་རྟགས་མའི་བྱ་དགའ་ཐོབ། སྡེ་དགེ་རྫོང་རྡོ་ཕུ་ལུང་པའི་ཀརྨ་སྒར་བྲིས་རིག་གནས་ཡུལ་སྐོར་སྤྱི་གཉེར་ཁང་དང་དཀར་མཛེས་ཁུལ་ནམ་མཁའ་རྒྱན་ཐང་ག་སྤྱི་གཉེར་ཁང་། རོང་བྲག་གི་པར་ཤིང་། སྡེབ་བྲིས་སོགས་ལ་ཟངས་ཀྱི་རྟགས་མའི་བྱ་དགའ་ཐོབ་ཡོད་པ་རེད། ཁུལ་རིག་གནས་རྒྱང་སྒྲོག་གསར་འགྱུར་ཅུས་དང་ཁམས་པའི་རིག་གནས་ཞིབ་འཇུག་ཁང་གཉིས་ལ་ཕུལ་བྱུང་རྩ་འཛུགས་པའི་བྱ་དགའ་ཐོབ། དེ་མིན་འགྲེམ་སྟོན་ལ་ཞུགས་པའི་ཚོང་ཁང་ལ་ཐེངས་འདིའི་རིག་གནས་དངོས་མང་སྟོན་ཚོགས་ཀྱི་བྱ་དགའི་དཔྱད་བསྡུར་ནང་ཞུགས་ཐུབ་པའི་ཕུལ་བྱུང་བྱ་དགའ་ཐོབ།
